Një incident është regjistruar në fshatin Panaja të Vlorës, ku shtetasi Egli Aliraj, 35 vjeç, ka shkaktuar trazira pas një konflikti për motive të dobëta me punonjës të një subjekti privat që po kryente punime për shtrimin e rrugës.
Sipas informacioneve, 35-vjeçari, i cili dyshohet se ka qenë në gjendje të dehur, ka qëlluar në ajër me një armë gjahu dhe më pas i ka vënë flakën një automjeti tip kamionçinë në pronësi të firmës kontraktore.
Shërbimet e Policisë së Vlorës kanë mbërritur menjëherë në vendngjarje, duke bërë të mundur kapjen dhe shoqërimin e autorit në Komisariat për veprime të mëtejshme procedurale. Arma e gjahut është sekuestruar në cilësinë e provës materiale.
Grupi hetimor, në bashkëpunim me Prokurorinë, vijon punën për sqarimin e plotë të rrethanave të ngjarjes dhe dokumentimin ligjor të rastit.