Interi ka luajtur baras 2-2 me Torinon të dielën në Torino, në ndeshjen e javës së 34-të të Serie A.
Zikaltërit kaluan në avantazh në minutën e 23-të, kur Marcus Thuram shënoi për 1-0 pas një asisti nga Federico Dimarco. Në pjesën e dytë, Yann Bisseck dyfishoi shifrat në minutën e 61-të me gol nga goditja këndi e Dimarcos.
Torino reagoi shpejt. Giovanni Simeone ngushtoi diferencën në minutën e 70-të me një parabolë të bukur, duke e mposhtur portierin Yann Sommer. Në minutën e 79-të, gjyqtari Maurizio Mariani akordoi penallti pas rishikimit në VAR për prekje me dorë, dhe Nikola Vlašić barazoi nga pika e bardhë.
Te Torino, mbrojtësi Ardian Ismajli ishte një nga më të mirët në fushë.
Pas këtij barazimi, Interi ruan kryesimin me 79 pikë, 10 më shumë se Napoli në vendin e dytë. Torino mbetet në pozicionin e 13-të me 41 pikë.