Interi ka fituar Kupën e Italisë në futboll, duke mposhtur Lazio-n me rezultat 2-0 në finalen e zhvilluar në stadiumin Olimpico të Romës më 13 maj 2026.
Skuadra zikaltër, që më parë kishte siguruar titullin e kampionit, arriti avantazhin në minutën e 14-të me autogolin e mbrojtësit të Lazio-s, Adam Marushiq. Në minutën e 35-të, Lautaro Martinez shënoi golin e dytë, duke dyfishuar epërsinë dhe duke vendosur rezultatin përfundimtar.
Në pjesën e parë, Interi kontrolloi lojën dhe nuk lejoi kundërshtarin të krijojë raste të rëndësishme. Lazio tentoi të reagojë në pjesën e dytë me goditje nga distanca të Isaksen në minutën 45 dhe Noslin në minutën 58, por pa sukses.
Në minutën e 76-të, portieri i Interit, Josep Martinez, realizoi një pritje vendimtare ndaj goditjes së Boulaye Dia. Interi ishte pranë golit të tretë në minutën e 82-të, kur Zielinski gjuajti pranë shtyllës së djathtë.
Me këtë fitore, Interi feston trofeun e 10-të të Kupës së Italisë në histori, të parin pas edicionit 2022/23. Lazio mbetet pa trofe dhe pa kualifikim në garat evropiane.
Përditësime
Lautaro Martínez shënoi golin në minutën 37, jo 35 siç raportohet më herët.
- Interi arrin dopietën (titull kampion + Kupë Italie), të parën që nga 2010.
- Cristian Chivu përfundon sezonin e parë si trajner i Interit duke arritur dopietën.
Interi shton një yll të argjendtë për Kupën e Italisë.
- Vetëm Juventusi ka më shumë trofe të Kupës së Italisë se Interi.
- Është hera e tretë që Interi fiton dy ose më shumë trofe në një sezon.
- Goli i Lautaro Martinez u asistua nga Denzel Dumfries.