Në fazën play-off të Ligës së Kampionëve, të martën luhet ndeshja e kthimit mes Interit dhe Bodo/Glimt. Skuadra italiane pret norvegjezët në San Siro prej orës 21:00, pas humbjes 3:1 në Norvegji të mërkurën e kaluar.
Interi, i drejtuar nga trajneri Christian Chivu, kërkon përmbysje për të avancuar në një të tetën e finales. Skuadrës i nevojitet fitore me tre gola dallim për të kaluar direkt; me dy gola diferencë, ndeshja shkon në vazhdime. Chivu deklaroi se skuadra do të luajë sulmueshëm dhe do të jetë gati për 120 minuta lojë. Pas humbjes në Champions, Interi fitoi 2:0 ndaj Lecces në Serie A, duke regjistruar shtatë fitore rresht dhe pa humbje në 14 ndeshje të fundit. Zikaltrit janë liderë me 64 pikë, dhjetë më shumë se Milani në vendin e dytë.
Bodo/Glimt kaloi një moment të mirë në fazën e ligës, duke barazuar 2:2 me Sparta Pragën, Tottenham Hotspurin dhe Borussia Dortmundin, si dhe duke fituar 3:1 ndaj Manchester Cityt dhe 2:1 ndaj Atletico Madridit.
Ndeshjet e tjera
Atletico Madrid pret Club Brugge pas barazimit 3:3 në ndeshjen e parë (ora 18:45). Kualifikimi mbetet i hapur.
Bayer Leverkusen pret Olympiacos pas fitores 2:0 në Greqi (ora 21:00).
Newcastle United pret Qarabag pas triumfit 6:1 në ndeshjen e parë.
Përditësime
Stadiumi San Siro pritet të mbledhë 65 mijë tifozë për kthimin e Interit kundër Bodø/Glimt, me 10 mijë bileta ende të disponueshme.
- Në tribunë do të jenë Ronaldo 'Fenomeni' dhe Christian Vieri.
- Kualifikimi në 1/8-ën e Champions League vlen rreth 18 milionë euro.
Inter do të luajë pa kapitenin Lautaro Martinez dhe Hakan Calhanoglu kundër Bodo/Glimt. Trajneri i Bodo/Glimt, Kjetil Knutsen, hodhi poshtë ankesat për fushën sintetike, duke thënë se Manchester City ka luajtur aty. Rezultatet e ndeshjeve play-off të mërkurës:
- Atalanta-Dortmund 0-2
- Juventus-Galatasaray 2-5
- PSG-Monaco 3-2
- Real Madrid-Benfica 1-0
Bodø/Glimt mundi Interin 2-1 në kthimin e play-off-it të Champions League, duke i eliminuar me agregat 5-2. Hauge dhe Evjen shënuan për norvegjezët, ndërsa Bastoni për Interin. Pjesa e parë u mbyll 0-0.
Ndeshje të tjera:
- Leverkusen 0-0 Olympiacos (kalon tutje)
- Newcastle 3-2 Qarabağ (kalon tutje)
- Atlético Madrid 4-1 Club Brugge (kalon tutje)
San Siro/Meazza u mbush me 75 mijë tifozë.
Hauge, ish-sulmues i Milanit, shënoi në minutën 58. Evjen shtoi të dytin në minutën 72 (asist Hauge). Bastoni zbuti humbjen në minutën 76.
Në zhvillime të tjera:
- Atletico Madrid - Club Brugge: Tripletë nga Sorloth (min. 23 dhe dy të tjera), Ordonez barazon, gol Cardoso.
- Agregati Newcastle - Qarabag: 9-3.