Autoritetet iraniane kanë arrestuar 500 persona të akuzuar për transmetim informacionesh tek armiqtë e vendit. Shefi i policisë së Republikës Islamike, Ahmadreza Radan, bëri të ditur se rreth gjysma e këtyre rasteve lidhen me incidente serioze, përfshirë persona që kanë dhënë të dhëna për goditjen e objektivave dhe të tjerë që kanë filmuar vendet e sulmeve dhe i kanë dërguar videot. Ai nuk dha detaje për kohën e kryerjes së arrestimeve.
Më herët, mediat iraniane raportuan për dhjetëra arrestime të tjera në rajone të ndryshme. Në veriperëndim të Iranit, agjencia gjysmëzyrtare Tasnim News Agency njoftoi se 20 persona u arrestuan pas akuzave të prokurorisë provinciale për dërgimin e informacioneve mbi vendndodhjen e objekteve ushtarake dhe të sigurisë drejt Izraelit.
Në verilindje të vendit, zonë relativisht e paprekur nga sulmet ajrore, Tasnim raportoi arrestimin e 10 personave, disa prej të cilëve akuzohen për mbledhje informacionesh mbi vende të ndjeshme dhe infrastrukturë ekonomike.
Një degë provinciale e organizatës së inteligjencës së Pasdaranëve deklaroi se armiku sionist (Izraeli) dhe Shtetet e Bashkuara po aktivizojnë mercenarë dhe spiunë për të nxitur trazira.