Agjencia e lajmeve IRNA raportoi pretendimin e Gardës Revolucionare se rrëzoi një avion luftarak izraelit në hapësirën ajrore iraniane këtë mëngjes. Ky është incidenti i tretë i tillë gjatë luftës.
Më parë, ushtria izraelite IDF pranoi se një avion i saj luftarak u vu nën zjarr kundërajror në hapësirën ajrore iraniane. Sipas IDF-së, avioni zbuloi kërcënimin, nuk u dëmtua dhe përfundoi misionin siç ishte planifikuar. Një burim specifikoi se bëhet fjalë për një avion F-16.
Izraeli dhe SHBA bombarduan pranë stacionit bërthamor Nataznit sot, duke shkaktuar dëmtime në projektin nuklear të Teheranit.
Sipas autoriteteve iraniane, forcat e tyre mbrojtëse kanë rrëzuar më shumë se 200 mjete ajrore në qiellin iranian gjatë luftës. Këto përfshijnë dronë, raketa lundrimi, avionë cisternë dhe avionë luftarakë.
Zëdhënësi i IDF-së, Olivier Rafovich, deklaroi se Izraeli nuk ka afat kohor për përfundimin e operacionit. “Ne nuk kemi kohëmatës. Izraeli mund ta kryejë këtë operacion të madh pa një afat kohor”, tha ai.