Irani ka vendosur kushte të rrepta për t’u rikthyer në bisedimet për armëpushim me Shtetet e Bashkuara, në kontekstin e tensioneve të vazhdueshme me administratën e presidentit Donald Trump.
Sipas mediave ndërkombëtare, Teherani kërkon lëshime të mëdha, siç janë:
- Mbylljen e të gjitha bazave ushtarake amerikane në rajonin e Gjirit;
- Pagesën e dëmshpërblimeve për sulmet ndaj Iranit;
- Vendosjen e një regjimi të ri në Ngushticën e Hormuzit, që do t’i lejonte Iranit të vendosë tarifa kalimi;
- Garanci se konflikti nuk do të rifillojë në të ardhmen;
- Ndërprerjen e sulmeve izraelite ndaj Hezbollahut;
- Heqjen e plotë të sanksioneve ndërkombëtare;
- Të drejtën për të ruajtur programin e tij raketor pa kufizime.
Një zyrtar amerikan i ka cilësuar këto kërkesa si jorealiste. Burime nga vendet arabe dhe Shtetet e Bashkuara vlerësojnë se kushtet e tilla e bëjnë edhe më të vështirë arritjen e një marrëveshjeje të mundshme.