Ish-gjyqtari spanjoll Iturralde Gonzales, tashmë i tërhequr, ka analizuar situatat kontroverse të ndeshjes Selta Vigo - Real Madrid. Ai deklaroi se madrilenëve iu mungua një penallti, ndërsa goli i shënuar nga Valverdes në minutën 94-të, që solli fitoren 1-2, duhej anuluar.
Në minutën 71-të, gjyqtari Diaz de Mera Escuderos u nis drejt monitorit të VAR-it pas sinjalizimit të arbitrit kryesor Pulido Santana për një prekje dore nga Jutgla i Seltas. "Është një penallti e pastër nga lojtari i Seltas", tha Iturralde Gonzales. Gjyqtari VAR e anuloi penalltinë duke argumentuar një shtytje të mëparshme nga Çuameni ndaj sulmuesit të vendasve.
Sipas Gonzales-it, kjo nuk përbën faull. "Nuk mendoj se është faull. Nëse nuk regjistron asnjë kontakt, nuk mund të regjistrosh atë të Çuamenit, sepse është vetëm një kontakt dhe nuk i ke interpretuar ato të mëparshmet", shpjegoi ai. Gjithashtu, ai përmendi një shtyrje nga Palacios ndaj Ilaix Moriba-s. "Ndërhyrja e Çuamenit më duket thjesht kontakt, ndërsa ajo e Palacios-it shtyrje, por jashtë zonës së topit", shtoi ai.
Lojtarët e Seltas protestuan kundër golit 1-2, duke pretenduar faull nga Manuel Angel ndaj Fer Lopez-it gjatë vjedhjes së topit. Iturralde Gonzales e quajti faull të pastër: "Manuel Angel nuk e prek topin dhe me këmbën e djathtë e ngre atë e e rrëzon lojtarin e Seltas. Është faull dhe goli i Valverdes duhej anuluar".