Qytetarët italianë kanë thënë "JO" ndryshimeve në drejtësi të propozuar nga qeveria italiane në referendum. Nga të dhënat e deritanishme të numërimit, shumica e votuesve nuk e mbështesin reformën e kërkuar nga ekzekutivi i kryeministres Giorgia Meloni.
Kryeministrja Meloni reagoi menjëherë pas rezultateve të para përmes një video-postimi në rrjetet sociale. Ajo deklaroi se qeveria respekton plotësisht vendimin e popullit italian.
Në mesazhin e saj, Meloni shkroi: "Italianët kanë vendosur. Dhe ne e respektojmë këtë vendim. Ne do të ecim përpara, siç kemi bërë gjithmonë, me përgjegjësi, vendosmëri dhe respekt për popullin italian dhe për Italinë".
Sipas mediave italiane, qeveria do të vazhdojë punën me projektet e nisura. Rezultatet e plota pritet të publikohen pas përfundimit të numërimit.