Ivanka Trump, vajza e presidentit amerikan Donald Trump, mbërriti mbrëmjen e djeshme në Vlorë, ku qëndroi në vilat qeveritare në zonën bregdetare, konkretisht te Uji i Ftohtë.
Gjatë ditës së sotme ajo pritet të zhvillojë një takim me kryeministrin Edi Rama në vilat qeveritare të Dhërmiut, rreth orës 11:00. Takimi do të pasohet nga një drekë e përbashkët.
Vizita përfshin edhe ndalesa të tjera në Vlorë. Ditën e hënë parashikohen inspektime në shëtitoren e Plazhit të Vjetër dhe atë të Agrumeve, si dhe një takim me përfaqësues të biznesit lokal.
Kjo nuk është vizita e parë e Ivanka Trump në Shqipëri, veçanërisht në bregdetin jugor. Në janar të këtij viti ajo publikoi pamje nga natyra e zonës, me këngën Luleborë në sfond. Burime bëjnë të ditur se ajo dhe bashkëshorti i saj kanë parashikuar investime në Ishullin e Sazanit dhe zonën e Zvërnecit.
Përditësime
Ivanka Trump u largua nga vila qeveritare në Dhërmi rreth orës 09:30 sot, e shoqëruar nga forcat e policisë.
Ajo udhëtoi nga Uji i Ftohtë drejt Vlorës, duke bërë një ndalesë 15-minutëshe në Zvërnec pranë urës për të vëzhguar flamingot në lagunë.
Kryeministri Edi Rama pritet të zhvillojë një takim me Asamblenë Socialiste ditën e hëna në Vlorë.