Izraeli ka lëshuar urdhra evakuimi për banorët e katër zonave në jug të Libanit. Zëdhënësi i Forcave të Mbrojtjes së Izraelit, Avichay Adraee, ka bërë thirrje që banorët të largohen të paktën 1.000 metra nga zonat e hapura dhe të zhvendosen drejt hapësirave të sigurta.
Fshatrat për të cilët është dhënë urdhri janë Arzi, Al-Marwaniyah, Al-Babiljah dhe Al-Baysariah. Sipas deklaratës së Adraee, çdo person që ndodhet pranë elementëve të Hezbollahut, objekteve të tyre ose zonave të luftimeve vë jetën e tij në rrezik.
Ky urdhër vjen disa ditë pasi Shtetet e Bashkuara njoftuan zgjatjen 45-ditore të armëpushimit midis Izraelit dhe Libanit. Sipas disa burimeve, Izraeli po koordinohet me SHBA-në për përgatitje të mundshme ushtarake, ndërsa situata në kufi mbetet e tensionuar.