Mançester Junaitid fitoi 2-0 ndaj Totenhemit në javën e 25-të të Premier Ligës, duke vazhduar serinë me fitoren e katërt radhazi. Golat u shënuan nga Mbeumo dhe kapiteni Bruno Fernandes.
Menjëherë pas ndeshjes, Bruno Fernandes e lavdëroi trajnerin Kerrik, duke theksuar lidhjen e tij të veçantë me klubin dhe kuptimin e filozofisë së "djajve të kuq". Portugezi e cilësoi këtë si një nga sekretet e rezultateve të fundit, që ndihmon lojtarët në momentet e vështira.
"Majkëll e di çfarë do të thotë "Junaitid". Ai ka fituar gjithçka këtu dhe ajo mendësi fituese na transmetohet edhe neve", u shpreh Fernandes. Me këtë paraqitje, ai arriti 200 përfshirje në gola, si lojtari i dytë më i shpejtë në historinë e Mançester Junaitid, para Kristiano Ronaldos dhe David Bekam.
Kapiteni kujtoi periudhën kur Kerrik ishte trajner i përkohshëm. "I thashë herën e fundit kur ishte trajneri ynë se jam i sigurt që mund të bëhet një trajner i madh. Tani po e vërteton", shtoi ai.
Pas kësaj fitoreje, Junaitid grumbulloi 44 pikë. Në mesjavë, skuadra do të luajë në transfertë kundër Uest Hemit për Premier Ligë.