Juventusi ka mbyllur gjashtëmujorin e parë financiar, të përfunduar më 31 dhjetor 2025, me një humbje prej 2.5 milionë eurosh. Bordi i Drejtorëve miratoi pasqyrat financiare, duke shënuar diferencë prej gati 20 milionë eurosh krahasuar me fitimin e të njëjtës periudhë të vitit paraardhës.
Të ardhurat nga shitjet e lojtarëve ranë me 25 milionë euro. Të drejtat televizive dhe të ardhurat nga ndeshjet u ulën, kryesisht për shkak se skuadra luajti dy ndeshje më pak në shtëpi në Serie A krahasuar me sezonin e kaluar. Shpenzimet e jashtëzakonshme u rënduan nga shkarkimi i trajnerit dhe stafit teknik në tetor 2025.
Nga ana tjetër, sponsorizimet u rritën me 15 milionë euro falë marrëveshjeve të reja me Stellantis dhe Detroit Metro. Kostot operative u ulën me 18 milionë euro si rezultat i politikave të kursimit të zbatuara prej vitesh.
Borxhi neto i klubit arrin në 298.8 milionë euro. Drejtuesit theksojnë se vlera e vërtetë e stadionit Allianz dhe e lojtarëve në treg tejkalon atë të raportuar në librat kontabël, duke ofruar bazë të qëndrueshme për periudhën e ardhshme.