Specialistët për Hetimin e Krimeve në Komisariatin e Policisë Vlorë kanë finalizuar operacionin policor të koduar “Again”, duke kapur dhe ndaluar shtetasin E. K., 33 vjeç, banues në lagjen “Rilindja” të Vlorës, për veprën penale “Vjedhja”.
Nga veprimet hetimore ka rezultuar se ky shtetas dyshohet si autor i vjedhjeve në dy subjekte tregtare në Vlorë:
• Më 29.01.2026, në lagjen “Pavarësia 2”, ku ka vjedhur shuma parash dhe steka cigaresh;
• Më 31.01.2026, në lagjen “Isa Boletini”, me të njëjtën mënyrë veprimi.
E. K. rezulton i dënuar më parë për vjedhje. Policia vijon punën në bashkëpunim me Prokurorinë për zbardhjen e rasteve të tjera të dyshuara se janë kryer nga ky shtetas.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprime të mëtejshme ligjore.