Katari ka mohuar të jetë pjesë e operacioneve ushtarake kundër Iranit. Zëdhënësi i Ministrisë së Jashtme deklaroi se Doha "nuk po merr pjesë në operacionet ushtarake kundër Iranit".
Ai hodhi poshtë raportimet e disa mediave izraelite, të cilat flisnin për sulme nga ana e Katarit. Sipas tij, çdo reagim i vendit lidhet vetëm me mbrojtjen e sigurisë së tij.
Zëdhënësi theksoi se Katari "po ushtron të drejtën për t’u mbrojtur dhe për të frenuar sulmet iraniane kundër territorit tonë". Kjo deklaratë erdhi më 3 mars 2026.