Emiri i Shtetit të Katarit, Tamim bin Hamad Al Thani, dhe Zëvendësemiri Abdullah bin Hamad Al Thani kanë uruar presidenten e Kosovës Vjosa Osmani për përvjetorin e 18-të të Pavarësisë së Republikës së Kosovës.
Në mesazhet e tyre zyrtare, të shpërndara nga Presidenca e Kosovës më 19 shkurt 2026, liderët e Katarit kanë përcjellë urime të sinqerta për Ditën e Pavarësisë. Ata i kanë dëshiruar presidentes shëndet dhe mirëqenie, si dhe popullit të Kosovës zhvillim dhe përparim të mëtejshëm.
Mesazhet përmbajnë gjithashtu përkushtimin për forcimin dhe thellimin e marrëdhënieve ndërmjet Republikës së Kosovës dhe Shtetit të Katarit.