Kisha Katolike Shqiptare i ka dërguar një ftesë zyrtare Papa Leonit XIV për të vizituar Shqipërinë.
Dërgimin e ftesës në Vatikan e bëri të ditur dom Mark Pashkja, zëdhënës i Konferencës Ipeshkvnore të Shqipërisë. Kjo u njoftua gjatë një konference në Shkodër, në prezantimin e programit për kremtimet e 130-vjetorit të shpalljes së "Zojës së Këshillit të Mirë" si Pajtore e Shqipërisë.
Kremtimet përfshijnë një sërë aktivitetesh të rëndësishme, ku do të jetë i pranishëm një prej kardinalëve të Vatikanit. Për Kishën Katolike, ky 130-vjetor është një moment historik që do të kremtohet në praninë e personalitetesh të rëndësishme.
Deri më tani nuk ka përgjigje konkrete nga Vatikani.