Kreu i Prokurorisë së Posaçme Kundër Korrupsionit dhe Krimit të Organizuar, Klodjan Braho, do të dalë të hënën para Këshillit të Lartë të Prokurorisë për të paraqitur raportin vjetor të punës për vitin 2025.
Këshilli i Lartë i Prokurorisë organizon seancën dëgjimore më 27 prill 2026, në orën 10:00. Në këtë seancë, Klodjan Braho do të raportojë për ecurinë e veprimtarisë së institucionit që drejton.
Ky raportim kryhet sipas detyrimit ligjor të parashikuar në nenin 105 të Ligjit nr. 97/2016, "Për organizimin dhe funksionimin e Prokurorisë në Republikën e Shqipërisë", i ndryshuar. Ligji kërkon që drejtuesi i SPAK të njoftojë Këshillin e Lartë të Prokurorisë për aktivitetet e institucionit.
Klodjan Braho u zgjodh në krye të SPAK më 11 dhjetor 2025, duke zëvendësuar në këtë detyrë Altin Dumanin.