Jürgen Klopp, ish-trajneri i Liverpoolit, raportohet në bisedime të avancuara me Atlético Madridin për të marrë drejtimin e klubit për sezonin 2026–27, sipas emisionit spanjoll El Chiringuito.
Pas dorëheqjes nga banca e Liverpoolit në fund të sezonit 2023–24, Klopp deklaroi se dëshironte një pushim nga futbolli. Në tetor të vitit të kaluar, ai u emërua drejtor global i futbollit te Red Bull GmbH. Megjithatë, burimet spanjolle raportojnë se ky rol mund të përfundojë shpejt për shkak të pakënaqësisë së drejtuesve me ndikimin e tij.
Drejtuesit e Atlético Madridit kanë nisur negociata aktive me trajnerin gjerman. Klopp ka refuzuar një ofertë të mëparshme nga Real Madridi, duke preferuar projektin dhe filozofinë e Atleticos. Ai ka shprehur interesin: “Më pëlqen profili i Atlético-s. Shkova në Gjermani dhe jo te Bayern, zgjodha Dortmundin. Shkova në Premier League dhe jo te City, por te Liverpoli. Më pëlqen profili i Atlético-s.”
Negociatat ndiqen nga Mark Rowan, kryeshef ekzekutiv i Apollo Global Management dhe aksioner mazhoritar i klubit. Atlético Madrid synon të zëvendësojë Diego Simeone në fund të sezonit aktual. Një marrëveshje mund të nënshkruhet në ditët në vijim.
Informacionet mbeten në fazë negociatash dhe spekulimesh derisa të vijë konfirmimi zyrtar nga palët.