Jurgen Klopp ka reaguar ndaj zërave për një kalim të mundshëm te Real Madrid, pas largimit të Xabi Alonso-s nga stoli i klubit madrilen.
Në Madrid, nga tifozët te presidenti Pérez, pritej që me ardhjen e Alonso-s trajneri i mëparshëm Carlo Ancelotti të mbetej si kujtim, por fusha doli e kundërta. Ancelotti u largua pas pak muajsh, duke lënë pas një skuadër të përçarë. Pérez i besoi drejtimin e ekipit ish-lojtarit Álvaro Arbeloa-s, si zgjidhje të përkohshme. Në fund të sezonit pritet një trajner i ri, nëse Arbeloa nuk arrin rezultate të jashtëzakonshme.
Prej kohësh qarkullon emri i Klopp-it si dëshirë e vjetër e Pérez-it. Trajneri gjerman, 58 vjeç, aktualisht i angazhuar në projektin Red Bull pas largimit nga Liverpool-i, u pyet për një transferim në Santiago Bernabéu. Ai mbajti qëndrim të kujdesshëm:
“Ndodhem në një fazë të jetës ku ndihem i kompletuar me veten, ekzaktësisht në vendin që doja të isha. Nuk dua të jem në asnjë vend tjetër. Real Madrid? Në këto momente mund të them Jo, edhe pse asnjë herë nuk duhet të thuash Jo. Nuk besoj se mund të ndryshoj ide, por në jetë asgjë nuk është e sigurt.”
Klopp theksoi se ndihet i qetë si në aspektin personal, ashtu edhe profesional. Burimet spanjolle raportojnë se kjo deklaratë erdhi pas shtimit të spekulimeve për stolin e Real Madrid-it.
Përditësime
The Touchline raporton se negociatat mes Jürgen Klopp dhe Real Madrid kanë nisur.
- Klopp kërkon autoritet të plotë mbi transferimet dhe vendimmarrjen sportive, një precedent i parë.
- Dyshime për Dani Carvajal dhe Ferland Mendy, të cilët mund të largohen.