Jurgen Klopp, ish-trajneri i Liverpoolit që u largua në verën e 2024-ës, thuhet se ka përpiluar listën e dëshirave nëse merr drejtimin e Real Madridit sezonin e ardhshëm. Aktualisht ai shërben si Drejtor i Futbollit te Red Bull.
Real Madridit drejtohet nga ish-mbrojtësi Alvaro Arbeloa, por rezultatet nën udhëheqjen e tij kanë qenë të paqëndrueshme. Klubi arriti në fazën 1/8-të të Ligës së Kampionëve duke mundur Benficën në eliminatoret, por humbi 1-0 në shtëpi ndaj Getafes në La Liga të hënën. Kjo e mban skuadrën katër pikë prapa lideres Barcelonës, me 12 ndeshje të mbetura.
Sipas mediave spanjolle dhe Football 365, Klopp shihet si kandidat i fortë për të zëvendësuar Arbeloën. Ai kërkon katër largime: Fran Garcia, Dani Ceballos, Franco Mastantuono dhe David Alaba. Për zëvendësime synon Rodrin nga Manchester City, të cilin e konsideron transferim të panegociueshëm, qendërmbrojtësin Nico Schlotterbeck nga Borussia Dortmundi, mesfushorin Vitinha nga Paris Saint-Germain dhe sulmuesin Kenan Yildiz nga Juventusi, ky i fundit edhe objektiv i Liverpoolit.
Megjithatë, eksperti i transferimeve Fabrizio Romano deklaroi se Klopp është plotësisht i përkushtuar ndaj rolit te Red Bull dhe nuk ka pasur negociata të drejtpërdrejta nga bordi i Real Madridit.