Ministria e Financave ka konfirmuar se nuk mund të ofrojë mbështetje për zgjatjen e kontratave të 50 ish-punonjësve të Klinikës së Fëmijëve, të cilët presin prej muajsh një zgjidhje për statusin e tyre profesional. Ministrja Gordana Dimitrievska Koçoska e arsyetoi këtë vendim duke iu referuar kufizimeve buxhetore dhe detyrimeve financiare të krijuara nga punësimet e mëhershme në këtë institucion.
Sipas ministres, në periudhën e kaluar, Ministria e Financave ka dhënë pëlqime për punësim në përputhje me fondet e disponueshme. Ajo theksoi se vitin e kaluar, kur u kërkuan pëlqime për kontrata në vepër, institucioni miratoi njëkohësisht punësimin me afat të pacaktuar për 38 persona. Ministrja bëri të ditur se drejtoria ishte paralajmëruar se ndikimi fiskal i këtyre vendimeve do të ndihej në vitin pasues, çka kërkon një përshtatje të buxhetit me detyrimet e reja.
Lidhur me pretendimet për mungesë mbështetjeje, Koçoska deklaroi se janë punësuar më shumë se 65 persona në total, qoftë me afat të pacaktuar apo me kontrata të tjera. Ajo saktësoi se politikat e miratimit nuk përfshijnë kategorinë e mjekëve dhe infermierëve, duke ftuar drejtuesit e klinikës të paraqesin dëshmi nëse ka pasur ndonjë refuzim për këtë personeli mjekësor. Sipas qëndrimit të saj, kërkesat që kanë të bëjnë me personelin teknik duhet domosdoshmërisht të harmonizohen me mjetet financiare në dispozicion të buxhetit të shtetit.