Kupa e Botës 2026 vazhdoi me ndeshjet e raundit të parë për grupet K dhe L. Në Grupin K, Kolumbia mposhti Uzbekistanin, skuadër e drejtuar nga Fabio Cannavaro, me rezultatin 3-1. Daniel Muñoz zhbllokoi takimin në minutën e 40-të, ndërsa Abbosbek Fayzullaev barazoi shifrat në minutën e 60-të, duke shënuar golin e parë historik për Uzbekistanin në një Kupë Bote. Avantazhi për kolumbianët u rikthye në minutën e 64-të nga Luis Díaz, për t'u vulosur më pas nga Jaminton Campaz në minutën e 98-të.
Në Grupin L, Gana arriti një fitore minimale 1-0 ndaj Panamasë. Goli i vetëm i takimit u shënua nga Caleb Yirenkyi në minutën e 95-të, pas asistimit nga Brandon Thomas-Asante. Me këtë fitore, Gana barazohet në krye të grupit me Anglinë, e cila më herët kishte mundur Kroacinë me rezultatin 4-2.
Ndeshjet e ardhshme për këto grupe janë planifikuar për datën 23 qershor. Në Grupin L, Gana do të përballet me Anglinë për vendin e parë, ndërsa Panamaja dhe Kroacia do të kërkojnë pikët për të vazhduar garën.