Komisioneri Shtetëror i Zgjedhjeve pritet të shqyrtojë nesër një projektvendim që lidhet me auditimin e fondeve të përfituara dhe të shpenzuara nga subjektet zgjedhore në zgjedhjet parlamentare të 11 majit 2025.
Dokumenti parashikon miratimin e gjetjeve të raportit të auditimit dhe propozon marrjen e masave administrative për disa parti politike dhe kandidatë të listave shumemërore. Gjobat e propozuara variojnë nga 100 mijë deri në 3 milionë lekë, në varësi të nivelit të shkeljes së konstatuar.
Masa administrative propozohet për partitë politike Partia Bashkimi Liberal Demokrat, Partia Rruga e Vërtetë Shqiptare, Partia Aleanca Arbnore Kombëtare dhe Partia Bashkimi Popullor i Pensionistëve Shqiptar, me gjobë nga 100 mijë deri në 200 mijë lekë sipas nenit 173, pika 1 të Kodit Zgjedhor. Burimet përmendin gjithashtu Partinë Balli Kombëtar dhe Partinë Fryma e Re Demokra në listën e subjekteve të propozuara.
Vendimi përfundimtar do të merret nga Komisioni i Ankimimeve dhe Sanksioneve pas dërgimit të propozimeve.