Presidentja e Komisionit Evropian, Ursula von der Leyen, zhvilloi vizitën e saj të gjashtë radhazi në rajonin e Ballkanit Perëndimor. Gjatë turneut të realizuar nga 30 shtatori deri më 2 tetor 2026, ajo vizitoi katër nga gjashtë vendet e rajonit, konkretisht Shqipërinë, Kosovën, Malin e Zi dhe Maqedoninë e Veriut. Institucionet europiane e përshkruan këtë vizitë si një dëshmi të vrullit që po merr procesi i zgjerimit.
Në deklaratat e përcjella nga Komisioni Evropian për Zgjerimin, u theksua se përparimi i vendeve kandidate është real, por se reformat mbeten kusht thelbësor për anëtarësim. Ursula von der Leyen nënvizoi se zgjerimi është një proces i dyanshëm. Sipas saj, krahas angazhimit të shteteve të rajonit, edhe vetë Bashkimi Evropian duhet të tregohet i gatshëm të mirëpresë anëtarët e rinj duke mbrojtur vlerat demokratike dhe sundimin e ligjit.
Gjatë këtij turneu, vëmendja u përqendrua gjithashtu në integrimin gradual të vendeve të rajonit, i mbështetur përmes Planit të Rritjes prej 6 miliardë eurosh. Ky instrument synon të nxisë përshpejtimin e reformave strukturore. Gjatë qëndrimit në Kosovë, presidentja diskutoi për procesin e integrimit europian, zhvillimet politike dhe rëndësinë e zbatimit të reformave për përparimin e vendit drejt anëtarësimit në BE.