Pas publikimit të pamjeve filmike në rrjetet sociale, ku një drejtues mjeti shfaqet duke përplasur qëllimisht një qen, Komisariati i Policisë së Korçës ka ndërmarrë veprime ligjore. Autoritetet kanë identifikuar automjetin dhe drejtuesin e tij, të cilin e kanë shpallur në kërkim policor.
Sipas njoftimit zyrtar, ndaj shtetasit ka filluar procedimi penal për dëmtimin me dashje të kafshës. Aktualisht, shërbimet e policisë po punojnë për kapjen e personit, ndërkohë që ngjarja ka ngjallur reagime të shumta në opinionin publik pas qarkullimit të pamjeve.