Ministri në detyrë i Bujqësisë, Pylltarisë dhe Zhvillimit Rural, Armend Muja, ka njoftuar në një konferencë për media ndarjen e 77 milionë eurove për mbështetjen e sektorit bujqësor në Kosovë për vitin 2026. Kjo shumë përfshin subjektet e përpunimit bujqësor, fermat, fermerët dhe masat për stabilizimin e tregut.
Muja prezantoi një arkitekturë të re mbështetëse, të organizuar në tri shtylla kryesore:
- 59 milionë euro për pagesa direkte;
- 10 milionë euro për zhvillim rural;
- 8 milionë euro për stabilizimin e tregut.
Detajet e pagesave direkte
Në kuadër të pagesave direkte, rreth 20 milionë euro do t’i kushtojnë sipërfaqeve të punuara, ndërsa 34 milionë euro lidhen drejtpërdrejt me prodhimin për të promovuar performancën. Për herë të parë aplikohet mbështetja e rishpërndarjes për fermat e vogla dhe të mesme, si dhe një skemë e re për fermerët që aplikojnë për herë të parë. Këto skema administrohen sipas praktikave të avancuara të politikës së përbashkët bujqësore të Bashkimit Evropian.
Skema e re mjedisore dhe zhvillimi rural
Muja theksoi krijimin e eko-skesës, e cila mbështet bujqësinë organike dhe praktikat për mbrojtjen e mjedisit. Në programin e zhvillimit rural, me 10 milionë euro, përqendrohet kryesisht hortikultura dhe hortikultura intensive.