Përzgjedhësi i Kombëtares së Kosovës në hendboll, Jesper Ostlund, publikoi të mërkurën listën e zgjeruar me 21 lojtarë për ndeshjet kundër Bosnjë-Hercegovinës.
Këto ndeshje i takojnë fazës së dytë kualifikuese për Kampionatin Botëror 2027. Ndeshja e parë zhvillohet më 19 mars në orën 20:00 në Tuzla të Bosnjë-Hercegovinës, ndërsa ndeshja e kthimit më 22 mars në orën 17:00 në Pallatin e Rinisë dhe të Sportit në Prishtinë.
Grumbullimi i kombëtares fillon më 15 mars, ndërsa udhëtimi për në Bosnjë-Hercegovinë parashikohet më 18 mars.
Lojtarët e ftuar
Për herë të parë janë ftuar portieri Besa Famgas dhe Olt Kabashi. Në kombëtare janë kthyer lojtarë kyç:
- Kapiteni Valon Dedaj
- Zëvendës-kapiteni Kastriot Jupa
- Shaban Zogaj
- Olsi Mulaj
- Arbios Mushkolaj
- Suad Pajaziti
- Jon Muqolli
- Muhamet Durmishi
Në raundin e parë kualifikues, Kosova mposhti Britaninë e Madhe në të dy ndeshjet. Nëse kalon me sukses fazën e dytë, kombëtarja do të përballet me Ishujt Faroe në raundin e tretë dhe të fundit kualifikues.
Përditësime
Damir Doborac, selektor i Bosnje-Hercegovinës, publikoi listën me 20 lojtarë për ndeshjet kundër Kosovës në hendboll.
Grumbullimi nis më 15 mars në Tuzla, ku zhvillohet ndeshja e parë në arenën “SKPC Mejdan”.
Lista e plotë e lojtarëve me klubet e tyre: