Kombëtarja e Kosovës zhvilloi stërvitjen e dytë në stadiumin Fadil Vokrri para përballjes me Turqinë.
Dardanët ishin në atmosferë të shkëlqyer, me plot humor, ndërsa dëgjonin instruksionet e trajnerit Franco Foda.
Për dallim nga Turqia, e cila rrezikon mungesën e lojtarëve Hakan Calhanoglu dhe Merih Demiral, Kosova kishte të gjithë futbollistët e grumbulluar dhe nuk pritet ndonjë mungesë e papritur.
Kosova do të zhvillojë edhe një stërvitje ditën e hënë, e cila do të jetë e fundit para ndeshjes.
Përballja Kosovë-Turqi zhvillohet të martën në orën 20:45 në stadiumin Fadil Vokrri. Ekipi fitues siguron biletën për Kampionatin Botëror 2026.