Diplomati amerikan David J. Kostelancik ka publikuar një shkrim të gjatë mbi sferën politike shqiptare. Në bashkautorësi me Andrew Raynus, ai trajton korrupsionin si një nga problemet kryesore të vendit.
Kostelancik shkruan se përballja e ish-zëvendëskryeministres Belinda Balluku me drejtësinë përbën një rast që Bashkimi Evropian mund ta përdorë për të ushtruar presion mbi qeverinë shqiptare. Ai vëren se, megjithë përparimin në disa fusha, integrimi i Shqipërisë në BE mbetet në fije të perit dhe funksionimi i drejtësisë kërkon më shumë punë.
Balluku, ish-ministre e Infrastrukturës dhe Energjisë, u akuzua për favorizim të pahijshëm të një kompanie në tenderin për ndërtimin e një tuneli në jug të vendit. Hetuesit gjetën prova se ky nuk ishte tenderi i parë i prekur nga favorizimi i saj i supozuar. Ajo i mohon akuzat.
Pas shkarkimit të saj nga qeveria, Partia Socialiste e kryeministrit Edi Rama refuzoi t'i hiqte imunitetin parlamentar në mars, gjë që shkaktoi zemërim të përhapur. Rasti i Ballukut është pjesë e një serie akuzash korrupsioni që rrethojnë qeverinë.