Zëdhënësi i Kremlinit, Dmitry Peskov, deklaroi se Ukraina është e gatshme të "kafshojë dorën që e ushqen", në reagim ndaj fjalimit të presidentit Volodymyr Zelensky në Forumin Ekonomik Botëror në Davos.
Fjalimi kritikoi Bashkimin Evropian për mungesë vendosmërie të mjaftueshme përballë agresionit rus dhe mbështetjes së Ukrainës. Në një intervistë për televizionin shtetëror Rossiya 1, Peskov shtoi se "regjimi i Kievit është gati të kafshojë këdo", duke theksuar se kjo tregon qëndrimin e vërtetë të udhëheqjes ukrainase ndaj partnerëve ndërkombëtarë.
Deklaratat vijnë në një moment tensionesh të shtuara diplomatike mes Moskës dhe Kievit. Të dyja palët mbeten në përplasje të hapur politike dhe retorike, ndërsa lufta vazhdon të ndikojë marrëdhëniet mes Rusisë, Ukrainës dhe Perëndimit.