Kryesia e Kuvendit të Kosovës mblidhet sot, më 30 mars 2026, për herë të parë pas aktgjykimit të Gjykatës Kushtetuese. Kjo gjykatë vendosi se dekreti i presidentes Vjosa Osmani për shpërndarjen e Kuvendit nuk ka efekt juridik.
Në rendin e ditës përfshihen projektligje për ratifikimin e marrëveshjeve ndërkombëtare dhe amendamentet e tyre:
- Marrëveshje për qasje në Arsimin e Lartë dhe pranimin për studime në Ballkanin Perëndimor.
- Amendamente për programet financiare IPA 2017 dhe IPA 2018.
- Marrëveshje kredie me Bankën Evropiane për Investime, BERZh dhe Fondi Saudit për projekte energjetike dhe infrastrukturore.
Kryesia do të formojë komisione ad-hoc për përzgjedhjen e kandidatëve për Komisionin e Pavarur të Mediave dhe Bordin e Radiotelevizionit të Kosovës. Gjithashtu, do të shqyrtojë propozime për emërime deputetësh në komisione parlamentare.
Mbledhja vjen në një moment vendimtar për funksionimin e Kuvendit pas këtij vendimi.
Përditësime
Kryesia e Kuvendit të Kosovës ka filluar mbledhjen pas vendimit të Gjykatës Kushtetuese.
Pritet caktimi i seancës plenare të radhës.
Në axhendë janë marrëveshjet ndërkombëtare në vlerë mbi 100 milionë euro.