Kryeministri i Kosovës, Albin Kurti, dhe kryetari i Lidhjes Demokratike të Kosovës (LDK), Lumir Abdixhiku, pritet të zhvillojnë sot, më 20 prill 2026, takimin e radhës në ora 11:00 në Kuvendin e Kosovës. Diskutimet do të përqendrohen te procesi i zgjedhjes së presidentit të ri të vendit.
Ky është takimi i katërt midis tyre për këtë çështje. Pavarësisht bisedimeve të mëparshme, palët nuk kanë arritur ende një marrëveshje për një kandidat të përbashkët.
Afati kushtetues për zgjedhjen e presidentit përfundon më 28 prill, sipas vendimit të Gjykatës Kushtetuese. Presioni politik rritet ndërsa afrohet kjo datë.
Lëvizja Vetëvendosje ka paralajmëruar intensifikim të përpjekjeve në ditët në vijim. Partia synon të shtojë komunikimet me partitë opozitare për të siguruar votat e nevojshme në Kuvend.
Zgjedhja e presidentit kërkon shumicë të cilësuar votash, çka e bën të domosdoshëm konsensusin mes forcave kryesore politike.