Kryeministri i Kosovës, Albin Kurti, i shoqëruar nga ministri i Brendshëm, Xhelal Sveçla, u drejtua drejt Kuvendit të Kosovës për seancën e jashtëzakonshme për zgjedhjen e presidentit të ri.
Gjatë rrugës, Kurti u përgjigj gazetarëve në lidhje me çështjen e presidentit. Ai deklaroi se po bëjnë përpjekje maksimale për të arritur një zgjidhje. "Po bëjmë përpjekje maksimale për zgjedhjen e presidentit. Ta shohim a po vijnë deputetët e opozitës", tha Kurti.
Kurti theksoi se deputetët e opozitës kanë obligim kushtetues të marrin pjesë në seancë. Megjithatë, ai nuk dha përgjigje konkrete kur u pyet nëse shumica do ta mbështesë emrin e presidentes aktuale, Vjosa Osmani, për një mandat të ri.
Sipas afatit ligjor, sot është dita e fundit për zgjedhjen e presidentit, ndryshe vendi shkon në zgjedhje të parakohshme. Të hënën, kryetarja e Kuvendit, Albulena Haxhiu, kishte nisur seancën dhe proceduar me votim, ndonëse kërkohen mbi 2/3 e deputetëve të pranishëm në raundet e para.