Jared Kushner, një nga negociatorët kryesorë të Bordit të Paqes për Gazën, deklaroi se e ardhmja mund të ndryshojë përmes vendimeve të duhura dhe bashkëpunimit ndërkombëtar. Kjo deklaratë u bë më 19 shkurt 2026.
Ai theksoi se Bordi ka siguruar 7 miliardë dollarë fonde me mbështetjen e Donald Trump për të ndihmuar qytetarët e Gazës dhe për të përmirësuar kushtet e jetesës. Kushner vuri theksin te paqja dhe solidariteti global si qëllime kryesore.
Në fjalimin e tij, Kushner tha: «Nuk mund të ndryshojmë të shkuarën, por mund të ndryshojmë të ardhmen nëse bëjmë gjënë e duhur. Ajo që shohim sot është një shembull i vogël për punën që u bë. Shumë njerëz ishin vullnetarë, nuk e bënë për përfitime personale, por për fëmijët e tyre që të shohin paqen».
Ai shtoi: «Njerëz nga e gjithë bota janë këtu për t’u bashkuar në një qëllim të përbashkët që është paqja. Mendimet e tua, Trump, në fillim ishin shumë radikale. Ju falënderoj të gjithëve që mendoni se e ardhmja është e sigurt dhe bashkëpunoni në solidaritet. Bota mund të jetë e mirë në çdo moment. Jemi këtu për të ndihmuar njerëzit e Gazës, t’u japim prioritet dhe mundësinë për të jetuar më mirë».
Sipas një burimi, babai i Jared Kushner-it, Charles Kushner, ish-biznesmen, u dënua me dy vjet burg për një ngjarje që përfshinte një video komprometuese ndaj dhëndrit të motrës së tij. Ai mori falje presidenciale nga Trump dhe tani shërben si ambasador i SHBA-së në Francë.