Me 99 vota për, Kuvendi i Kosovës miratoi zgjatjen buxhetore edhe për muajin mars 2026.
Për shkak të mosmiratimit të Buxhetit 2026, shteti ka funksionuar me ligj për zgjatje buxhetore gjatë dy muajve të fundit. Qeveria kërkoi zgjatjen e re për të shmangur pengesat në procesin e pagesave dhe për të garantuar funksionimin pa ndërprerje të institucioneve dhe shërbimeve publike.
Zgjatja zbatohet deri në miratimin e dy leximeve të Ligjit për Buxhetin 2026 dhe dekretimin e tij nga presidenti.
Sërish, Lista Serbe nuk mori pjesë në votim.