Kuvendi i Shqipërisë miratoi sot ligjin për amnistinë penale me 84 vota pro. Sipas projektligjit, nga amnistia do të përfitojnë gjithsej 1335 persona, ku 466 të dënuar do të lirohen menjëherë, ndërsa 869 të tjerë do të përfitojnë ulje dënimi.
Kriteret për përfitim përfshijnë të dënuarit me vendim të formës së prerë deri në datën 31 maj 2026:
• Burrat e dënuar deri në 3 vite burg ose që u kanë mbetur pa vuajtur deri në 3 vite.
• Gratë e dënuara deri në 4 vite burg ose që u kanë mbetur pa vuajtur deri në 4 vite.
Ministri i Drejtësisë, Toni Gogu, deklaroi se ky vendim mbron sigurinë publike, respekton reformën në drejtësi dhe krijon mundësi rehabilitimi. Ai theksoi se shteti duhet të vlerësojë kur ndëshkimi e ka përmbushur qëllimin e tij.
Seanca u zhvillua në një klimë tensioni politik. Deputetët e opozitës, të udhëhequr nga Sali Berisha, bojkotuan votimin, pas një bllokimi të foltores që zgjati rreth 4 orë. Kryetari i Kuvendit, Niko Peleshi, përjashtoi nga seanca deputetin Agron Shehaj pas përplasjeve verbale. Kryeministri Edi Rama ishte i pranishëm në momentin e votimit.