Kuvendi i Shqipërisë miratoi më 17 mars 2026 rezolutën që shpall Republikën Islamike të Iranit shtet sponsor të terrorizmit. Votimi u bë me 79 vota pro dhe një abstenim nga deputeti Redi Muçi i Lëvizjes Bashkë.
Rezoluta mori shkas nga ngjarjet e fundit në Lindjen e Mesme. Ajo i bën thirrje qeverisë të shpallë Gardën Revolucionare Islamike dhe Hezbollah-un si organizata terroriste.
Ministri i Jashtëm i Izraelit Gideon Sa’ar reagoi në platformën X: "E vlerësoj kryeministrin shqiptar @ediramaal dhe Kuvendin e Shqipërisë për rezolutën historike të miratuar sot, duke e shpallur Republikën Islamike të Iranit një shtet mbështetës të terrorizmit. Sipas fjalëve të rezolutës: Terrorizmi në të gjitha format e tij përbën një nga kërcënimet më serioze për shoqëritë demokratike. Ky është një tjetër demonstrim i dimensionit të qartë moral në politikën e jashtme të Shqipërisë."
Në seancë nuk mori pjesë Partia Demokratike, e cila e konsideroi rezolutën të paligjshme dhe të thirrur në kundërshtim me rregulloren e Kuvendit. Deputeti Taulant Balla kritikoi opozitën. Pas seancës, kryetari i Partisë Demokratike, Sali Berisha, publikoi një deklaratë ku partia shpall Gardën Revolucionare të Iranit organizatë terroriste dhe mbështet përpjekjet e SHBA-së dhe Izraelit kundër regjimit iranian.
Përditësime
- Analisti Ben Andoni kritikoi rezolutën e Kuvendit për Iranin, duke sugjeruar prioritet për një rezolutë mbi Gazën, ku sulmet izraelite kanë vrarë mbi 70 mijë persona. Ai përmendi ndihmën kulturore të Iranit dhe një sulm kibernetik të pakonfirmuar.
- Deputeti Erald Kapri i Mundësisë mori pjesë në seancë, pavarësisht bojkotit të PD-së.
Amir Ohana, kryetari i Knessetit të Izraelit, përgëzoi Edi Ramën dhe Parlamentin shqiptar për guximin, qartësinë morale dhe shembullin për komunitetin ndërkombëtar.
Shqipëria u bë vendi i dytë në botë pas SHBA-së që e shpalli Iranin shtet sponsor të terrorizmit.
- Amir Ohana, kryetari i Knesetit izraelit, postoi në X: "Kryeministri Edi Rama dhe Kuvendi i Shqipërisë treguan guxim, qartësi morale dhe përkushtim ndaj drejtësisë. Lidershipi juaj jep një shembull të rëndësishëm për bashkësinë ndërkombëtare. Faleminderit".
- Projekt-rezoluta u propozua nga Partia Socialiste.