Lamine Yamal ka shënuar supergolin vendimtar në San Mamés, që i dha fitoren Barcelonës ndaj Athletic Bilbao. Ky gol konfirmon sezonin më të mirë të tij deri tani me 19 gola në 36 ndeshje, duke tejkaluar sezonin 2023-24 me 18 gola në 55 ndeshje.
Në total, Yamal ka arritur 50 gola në karrierë në moshën 18 vjeç e 237 ditë: 44 me Barcelonën dhe 6 me përfaqësuesen spanjolle. Për krahasim, Lionel Messi arriti të njëjtën kuotë në moshën 20 vjeç e 315 ditë, ndërsa Cristiano Ronaldo në 21 vjeç e 297 ditë.
Yamal synon një rekord historik: numrin më të madh të golave në një kompeticion para moshës 19 vjeç. Rekordin aktual e mban Raúl González, i cili shënoi 19 gola në La Liga në sezonin 1995/96 para se të mbushi 19 vjeç. Këtë sezon, Yamal ka 14 gola në kampionat dhe i mbeten 11 ndeshje për ta thyer atë.