Sulmuesi i Spanjës, Lamine Yamal, është konfirmuar si i gatshëm për ndeshjen finale të Kupës së Botës kundër Argjentinës. Edhe pse 19-vjeçari mungoi në stërvitjen e së enjtes për shkak të një shqetësimi muskulor dhe u pa me fashë në kofshë, ai është rikuperuar plotësisht dhe pritet ta nisë përballjen nga minuta e parë.
Edhe mbrojtësi Pedro Porro, i cili gjithashtu mungoi në stërvitjen e fundit për të njëjtat arsye, pritet të jetë në dispozicion të stafit teknik për ndeshjen vendimtare.
Finalja e madhe mes Spanjës dhe Argjentinës do të zhvillohet të dielën në orën 21:00 në MetLife Stadium të New Yorkut. Ky takim konsiderohet si një përballje e shumëpritur mes legjendës Lionel Messi dhe talentit Lamine Yamal, i cili deri më tani ka shënuar një gol për përfaqësuesen spanjolle në këtë kompeticion, në fitoren 4:0 ndaj Arabisë Saudite.
Përditësime
Dyshimet mbi gjendjen fizike të Lamine Yamal janë shtuar përpara finales së Kupës së Botës. Sulmuesi ka zhvilluar stërvitje të kufizuar në qendrën e Red Bull, ndërsa intervista e planifikuar për gazetën 'Sport' është anuluar për t'i dhënë përparësi rikuperimit të lojtarit.