Joan Laporta duket si kandidati më i favorizuar për t’u rizgjedhur president i Barcelonës në zgjedhjet e 15 marsit.
Rivalët e tij po shqyrtojnë mundësinë e një bashkimi forcash për ta sfiduar, sipas informacioneve nga kampi opozitar. Pretendentët Víctor Font, Xavier Vilajoana dhe Marc Ciria po vlerësojnë idenë e një liste të përbashkët, me Font si alternativë kryesore kundër dominimit të Laportës në sondazhe dhe mbështetjes së tij të fortë brenda klubit.
Laporta mbetet lider i sondazheve dhe figura kryesore në garë.
Kjo lëvizje vjen në një moment kur rivalët përballen me sfidën e mbledhjes së 2.337 nënshkrimeve të nevojshme për t’u bërë kandidatë zyrtarë, proces që pritet të përfundojë brenda ditëve në vijim.
Vilajoana dhe Ciria kanë hasur vështirësi në sigurimin e këtij numri, çka përforcon idenë e një koalicioni me Font. Kjo mund ta bëjë garën më konkurruese përballë Laportës, i cili pretendon ta vazhdojë mandatin në krye të klubit katalanas.