Visar Azemi, anëtar i Kryesisë së Lidhjes Demokratike të Kosovës (LDK), në një konferencë për media më 25 mars 2026, prezantoi rezultatet e një hulumtimi mbi njehsorët elektrikë në Prishtinë dhe Ferizaj.
Ai tha se ka verifikuar rreth 900 njehsorë, prej të cilëve 884 rezultuan me probleme në matjen e kohës. Sipas tij, 87% e tyre nuk përputhen me kohën reale, si në shembullin ku njehsori tregonte orën 07:55 kur koha reale ishte 15:26.
Azemi vuri në dukje se kjo çon në faturim me tarifa të shtrenjta edhe gjatë orëve të natës, pas orës 22:00, kur tarifa dimërore është më e ulëta. Ai theksoi se qytetarët kanë paguar miliona euro më shumë për shkak të kësaj situate.
LDK kërkon dorëheqjen e bordit të Zyrës së Rregullatorit të Energjisë (ZRRE), e cila miraton tarifat. Për më tepër, kërkohet:
- Hetim i pavarur dhe auditim i plotë i sistemit të faturimit të KESCO-së;
- Kompensim retroaktiv për qytetarët e dëmtuar;
- Ndërprerje e çdo procesi për rritje të tarifave;
- Hetim nga Prokuroria për përgjegjësi penale.
Azemi i ftoi qytetarët të kontrollojnë njehsorët e tyre dhe të kërkojnë llogari nga institucionet.
Përditësime
Visar Azemi akuzoi KEDS-in për mashtrim sistematik me njëhsorët elektrikë. «Këtu nuk po flasim për një gabim teknik, por për mashtrim ose manipulim sistematik... nuk mund të themi se ka një 'glitch' të sistemit», tha ai.