Klubi i Vorës ka zyrtarizuar afrimin e mesfushorit defensiv Leandro Frroku. 22-vjeçari, i cili bashkohet me ekipin si lojtar i lirë, pritet të shtojë intensitetin në mesfushën e skuadrës për sezonin e ri futbollistik.
Karriera e Frrokut është zhvilluar deri më tani në futbollin grek. Ai u formua te klubi i njohur Panathinaikos, ku regjistron edhe një paraqitje me ekipin e parë. Pas largimit nga Panathinaikos në janar të vitit 2025, ai u aktivizua me Asteras Aktor B në kategorinë e dytë greke. Ky kalim te Vora shënon eksperiencën e tij të parë jashtë kampionatit të Greqisë.
Në njoftimin zyrtar, klubi i Vorës ka vlerësuar profilin e futbollistit:
"Leandro Frroku i bashkohet klubit tonë. Mesfushori defensiv vjen pas një rruge zhvillimi në futbollin grek. Ai ka qenë pjesë e rregullt e përfaqësueseve të moshave të Shqipërisë, duke mbajtur veshur fanellën kuqezi nga U-16 deri te U-21, një rrugëtim që pasqyron cilësinë dhe potencialin e tij."