Pas numërimit të më shumë se 95% të kutive të votimit në zgjedhjet e parakohshme në Kosovë, Lëvizja Vetëvendosje ka shpallur zyrtarisht fitoren. Sipas të dhënave, partia e kryeministrit Albin Kurti ka arritur të sigurojë mbi 280 mijë vota.
Megjithatë, partia nuk ka arritur të sigurojë shumicën e nevojshme parlamentare për të formuar e vetme qeverinë e re. Në renditjen e rezultateve, Lëvizja Vetëvendosje pasohet nga Partia Demokratike e Kosovës (PDK) dhe Lidhja Demokratike e Kosovës (LDK).
Partia fituese ka njoftuar mbajtjen e një feste në sheshin “Skënderbe” në Prishtinë, e cila është parashikuar të nisë në orën 23:00, ku është njoftuar edhe pjesëmarrja e kryeministrit Albin Kurti.