Futbollistët që aktivizohen në Ligën Premier vazhdojnë të kenë një ndikim të ndjeshëm në Kupën e Botës 2026, duke konfirmuar statusin e këtij kampionati si një ndër më të fuqishmit në futbollin botëror. Të dhënat zyrtare tregojnë se lojtarët e elitës angleze kanë regjistruar gjithsej 106 kontribute në gola, shifër që përfshin realizimet personale dhe asistimet.
Kjo shifër u arrit pas ndeshjes së zhvilluar mes Belgjikës dhe Senegalit, ku belgët triumfuan me rezultatin 3-2 pas vazhdimeve. Ky kontribut i lartë i futbollistëve që luajnë në klubet angleze i vendos ata në krye të renditjes së kampionateve, duke lënë pas me diferencë të ndjeshme ligat e tjera evropiane dhe botërore sa i përket ndikimit në fazën sulmuese.
Performancat e yjeve të Ligës Premier kanë qenë vendimtare për ecurinë e kombëtareve të tyre gjatë fazave me eliminim direkt. Duke qenë se Kupa e Botës 2026 ndodhet ende në zhvillim, pritet që numri i golave dhe asistimeve të lojtarëve që luajnë në Angli të rritet edhe më tej, ndërsa ata mbeten ndër favoritët për të udhëhequr kombëtaret e tyre drejt suksesit.