Pas përfundimit të ndeshjes çerekfinale të Kupës së Botës 2026 ndërmjet Argjentinës dhe Zvicrës, e cila përfundoi me rezultatin 3-1, Lionel Messi është takuar me ish-futbollistin italian Roberto Baggio. Kapiteni argjentinas i dhuroi Baggios fanellën që mbajti veshur gjatë sfidës, një gjest që u vlerësua shumë nga legjenda italiane.
Roberto Baggio, fitues i Topit të Artë në vitin 1993, ndau një fotografi në rrjetin social Instagram, ku shprehu mirënjohjen për dhuratën dhe marrëdhënien miqësore me Messin. Lidhja mes tyre ka nisur që nga viti 2010, pas një takimi të realizuar në Barcelonë me ndërmjetësimin e Pep Guardiolës, i cili ka qenë shok skuadre me Baggion te klubi italian Brescia.
Ndeshja u zhvillua në stadiumin e Kansas City, ku për Argjentinën shënuan Alexis Mac Allister, Julián Álvarez dhe Lautaro Martínez. Përveç dhuratës për Baggion, Messi i dhuroi fanellën e tij edhe sulmuesit të Zvicrës, Johan Manzambi. Pas këtij triumfi, Argjentina vazhdon garën në gjysmëfinale, ku përballë do të ketë përfaqësuesen e Anglisë.