Më 2 janar 2026, mesditë, në Orikum, Llogora Xhebroj, 52 vjeç, vrau bashkëshorten e tij Sose Xhebroj dhe më pas i dha fund jetës në banesën e çiftit.
Sipas dëshmive të familjarëve, çifti kishte pasur konflikte të vazhdueshme. Ata ishin ndarë rreth dy vite më parë, u ribashkuan më pas, por konfliktet vazhduan dhe së fundmi ndodheshin në proces divorci. Çifti ishte martuar prej gati 20 vitesh dhe punonin bashkë.
Ngjarja u rikthye në emisionin ‘Me zemër të hapur’, në News24, të moderatores dhe autores Evis Ahmeti, më 14 janar. Një familjar i çiftit foli për situatën dhe tha se nuk ishte në dijeni të konflikteve apo procesit të divorcit.
Ai shpjegoi: «E mora vesh nga televizori ngjarjen. Kisha nja 2-3 muaj që se kisha parë Llogoranë. Nuk më kishte shprehur asnjë shqetësim. Sosen mund ta kem takuar rreth 2 muaj më parë. Kishin nja 20 vite martesë. Nuk e di që ishin në proces divorci. Nuk dija asgjë. I kam marrë vesh kur ndodhi ngjarja.»
Familjari theksoi se dy djemtë e çiftit janë të traumatizuar, pasi humbën të dy prindërit në të njëjtën ditë. Ai e cilësoi Llogora Xhebroj-n si njeri korrekt e të drejtë dhe çiftin si familje të rregullt. Burrë e grua u varrosën të ndarë. Familjari nuk akuzoi askënd dhe e quajti ngjarjen fatkeqësi.
Përditësime
Një familjar i çiftit Llogora Xhebroj dhe Sose Xhebroj mori pjesë në varrimin e tyre. Ngjarja ka lënë të traumatizuar fëmijët e çiftit dhe ka prekur familjen e Sose Xhebroj. Sipas familjarëve, çifti punonte bashkë dhe formonte një familje të rregullt shqiptare. "Por kur nuk takon me dikë, s’ia di problemet", thanë ata. Data e ngjarjes korrigjohet në 2 janar të këtij viti.