Partia opozitare LSDM ka publikuar akuza të drejtpërdrejta ndaj Qeverisë në lidhje me menaxhimin e situatës së furnizimit me ujë në Gostivar. Sipas partisë, përmes Shërbimit për Punë të Përgjithshme dhe të Përbashkëta (SHÇP), është lidhur një kontratë me vlerë rreth 100 mijë euro për blerjen e ujit të pijshëm, në një kohë kur qytetarët po përballen me vështirësi për shkak të ujit të ndotur.
Sipas LSDM-së, procesi i prokurimit është zhvilluar në mënyrë jotransparente, duke anashkaluar njoftimin publik dhe duke realizuar blerjen përmes negociatave të drejtpërdrejta. Opozita pretendon se marrëveshja është nënshkruar me kompaninë Kožuvčanka, e cila sipas tyre, është në pronësi të kryetarit të Bashkisë së Kavadarit. Gjithashtu, opozita thekson se pronari i kësaj kompanie është person i afërt me OBRM-PDUKM-në.
Akuzat përfshijnë edhe drejtorin e SHÇP-së, Ivica Tomovski, i cili dyshohet se ka qenë personi përgjegjës për zbatimin e kësaj procedure. Partia opozitare vlerëson se institucionet qeveritare nuk po ndërmarrin masa adekuate për zgjidhjen e problemit të ujit në Gostivar, duke u fokusuar në kontrata që sipas tyre favorizojnë subjekte të lidhura me pushtetin.
Deri në momentin e raportimit, as Qeveria dhe as SHÇP-ja nuk kanë dalë me një qëndrim zyrtar apo reagim ndaj këtyre pretendimeve të ngritura nga opozita.