Pas një fillimi të vështirë në karrierën e tij si trajner te Roma, ku rezultatet ishin të paqëndrueshme dhe marrëdhëniet me disa lojtarë, përfshirë Francesco Tottin, ishin të tensionuara, Luis Enrique ka konfirmuar sot statusin e tij si një ndër trajnerët më të suksesshëm të futbollit modern. Ish-lojtarë si Daniele De Rossi kanë pranuar më vonë se spanjolli kishte kërkesa të larta profesionale dhe një vizion që, për kohën, nuk u kuptua plotësisht nga ambienti italian.
Nën drejtimin e PSG-së, strategu spanjoll ka ndërtuar një skuadër të bazuar te cilësia kolektive dhe vazhdimësia e formacionit. Një ndër çelësat e suksesit të tij është aftësia për të menaxhuar energjitë fizike dhe psikologjike të futbollistëve gjatë sezonit, duke u mundësuar atyre të zbresin në fushë në formën më të mirë për ndeshjet vendimtare të Ligës së Kampioneve.
Përtej arritjeve në fushën e blertë, Luis Enrique ka fituar respekt edhe për forcën e karakterit të treguar gjatë përballjes me humbjen tragjike të vajzës së tij, Xana. Ai vijoi punën me profesionalizëm dhe pa kërkuar asnjëherë justifikime. Aktualisht, suksesi i tij me klubin francez ka hapur një debat në opinionin sportiv mbi atë nëse futbolli italian do të kishte qenë gati, vite më parë, për një trajner me standarde të tilla.