Emmanuel Macron, presidenti francez, ka biseduar me presidentin iranian Masoud Pezeshkian. Ai i bëri thirrje Iranit të ndalojë sulmet ndaj vendeve të Gjirit, raporton BBC.
Macron theksoi rëndësinë e rikthimit të lirisë së lundrimit në Ngushticën e Hormuzit dhe ruajtjen e infrastrukturës energjetike dhe civile. Ai kërkoi nga Irani të angazhohet në negociata me vullnet të mirë, duke shtuar se kjo do të hapë rrugë drejt de-eskalimit.
Ndërkohë, presidenti izraelit Isaac Herzog ka folur gjithashtu me Macronin. Në një postim në rrjetet sociale, zyra e Herzog-ut bëri të ditur se ai përsëriti rëndësinë e vazhdimit të operacionit për të parandaluar që Irani të marrë armë bërthamore dhe për të shkatërruar kapacitetet e tij të raketave balistike.
Herzog i tha Macronit se një vizion paqeje me Libanin është objektivi i duhur, por kjo kërkon shkatërrimin e kapaciteteve të Hezbollah-ut.
Përditësime
Presidenti francez Emmanuel Macron postoi në X duke kërkuar angazhimin e Iranit në negociata që plotësojnë pritjet ndërkombëtare për programin bërthamor, raketat balistike dhe aktivitetet rajonale destabilizuese.
Presidenti amerikan Donald Trump deklaroi se SHBA po negociojnë me Iranin për një armëpushim.
Presidenti francez Emmanuel Macron i kërkoi Iranit lirimin e bashkëatdhetarëve francezë Cécile Kohler dhe Jacques Paris.